Hadith in this chapter(307 hadith)

صحیح بخاری 3056

حدیث نمبر 3056، صحیح بخاری — جہاد اور سیر کا بیان

Sahih Al Bukhari 3056

حضرت ابن عمر رضی اللہ عنہما نے کہا کہ

نبی صلی اللہ علیہ وسلم اور حضرت ابی بن کعب رضی اللہ عنہ ان کھجور کے درختوں میں گئے جن میں ابن صیاد تھا حتىٰ کہ جب نبی صلی اللہ علیہ وسلم کھجور کے ان درختوں میں داخل ہوئے‘ آپ کھجور کے ان تنوں میں چھپتے ہوئے چل رہے تھے اور آپ کسی حیلہ سے ابن صیاد کے دیکھنے سے پہلے اس کی کوئی بات سننا چاہتے تھے اور ابن صیاد اس وقت اپنے بستر کے اوپر لیٹ کر چادر اوڑھے ہوئے گنگنا رہا تھا‘ تب ابن صیاد کی ماں نے نبی صلی اللہ علیہ وسلم کو دیکھ لیا‘ اس وقت آپ کھجور کے درختوں کے تنوں میں چھپ رہے تھے‘ اس کی ماں نے ابن صیاد سے کہا: ”أَیْ صَافِ“ اور یہ اس کا نام ہے‘ تو ابن صیاد اچھل پڑا‘ پس نبی صلی اللہ علیہ وسلم نے فرمایا: اگر یہ اس کو چھوڑ دیتی تو اس کی حقیقت منکشف ہو جاتی۔

Arabic Matn
قَالَ ابْنُ عُمَرَ انْطَلَقَ النَّبِيُّ صَلَّى اللهُ عَلَيْهِ وَسَلَّمَ، وَأُبَي بنُ كَعْبٍ يَأْتِيَانِ النَّخْلَ الَّذِي فِيهِ ابْنُ صَيَّادٍ، حَتَّى إِذَا دَخَلَ النَّخْلَ طَفِق النَّبِيُّ صَلَّى اللهُ عَلَيْهِ وَسَلَّمَ يَتّقي بجُذُوعِ النَّخْلِ، وَهُوَ يَخْتِلُ ابْنَ صَيَّاد أَنْ يَسْمَعَ مِنْ ابْنِ صَيَّادٍ شَيْئًا قَبْلَ أَنْ يَرَاهُ، وَابْنُ صَيَّادٍ مُضْطَجِعٌ عَلى فِرَاشِهِ فِي قَطِيفَةٍ لَهُ فِيهَا رَمْزَةٌ، فَرَأَتْ أُمُّ ابْنِ صَيَّادٍ النَّبِيَّ صَلَّى اللهُ عَلَيهِ وَسَلَّمَ وَهُوَ يَتَّقِي بِجُذُوع النَّخل، فَقَالَتْ لِابْنِ صَيَّادٍ: أَيْ صَافِ وَهُوَ اسْمُهُ، فَثَارَ ابْنُ صَيَّادٍ، فَقَالَ النَّبِيُّ صَلَّى اللهُ عَلَيْهِ وَسَلَّمَ: لَوْ تَرَكتْهُ بَيَّنَ،

Grade:

Reference: Sahih Al Bukhari 3056

More Hadiths in Chapter 56

View all in chapter →