Hadith in this chapter(307 hadith)

صحیح بخاری 2816

حدیث نمبر 2816، صحیح بخاری — جہاد اور سیر کا بیان

Sub-Chapter (Baab)

Sahih Al Bukhari 2816

امام بخاری روایت کرتے ہیں: ہمیں صدقۃ بن الفضل نے حدیث بیان کی‘ انہوں نے کہا: ہمیں ابن عیینہ نے خبر دی‘ انہوں نے کہا: میں نے محمد بن المنکدر سے سنا‘ وہ کہتے ہیں: انہوں نے حضرت جابر رضی اللہ عنہ سے سنا‘ وہ بیان کرتے ہیں کہ

میرے باپ (کی لاش) کو نبی صلی اللہ علیہ وسلم کے پاس لایا گیا‘ اس حال میں کہ ان کو مثلہ کر دیا گیا تھا (یعنی ان کے اعضاء کاٹ دیئے گئے تھے) اور ان کو آپ کے سامنے رکھ دیا گیا‘ سو میں ان کے چہرے سے کپڑا ہٹانے لگا تو مجھ کو میری قوم کے افراد نے منع کیا‘ پھر آپ نے کسی رونے اور چلانے والی کی آواز سنی تو آپ کو بتایا گیا کہ یہ عمرو کی بیٹی یا عمرو کی بہن ہے‘ آپ نے فرمایا: تم کیوں روتی ہے؟ یا فرمایا: تم مت روؤ‘ اس پر فرشتے اپنے پروں سے مسلسل سایہ کیے ہوئے ہیں۔ راوی کہتا ہے: میں نے صدقۃ سے پوچھا: کیا حدیث میں یہ الفاظ ہیں: حتیٰ کہ ان (کی لاش) کو اٹھا لیا گیا؟ صدقۃ نے کہا: بسا اوقات یہ الفاظ حدیث میں ہیں۔

Arabic Matn
حَدَّثَنَا صَدَقَةُ بْنُ الفَضْلِ، قَالَ: أَخْبَرَنَا ابْنُ عُيَيْنَةَ، قَالَ: سَمِعْتُ مُحَمَّدَ بْنَ المُنْكَدِرِ، أَنَّهُ سَمِع جابِرًا، يَقُولُ: جِيءَ بِأَبِي إِلَى النَّبِيِّ صَلَّى اللهُ عَلَيْهِ وَسَلَّمَ، وَقَدْ مُثِّلَ بهِ، وَوُضِعَ بَيْنَ يَدَيْهِ، فَذَهَبْتُ أَكْشِف عَن وَجْهِهِ، فَنَهَانِي قَوْمِي فَسَمِعَ صَوْتَ صَائِحَةٍ، فَقِيلَ: ابْنَةُ [ص:22] عَمْرٍو - أَوْ أُخْتُ عَمْرٍو - فَقَالَ: لِمَ تَبْكِي - أَوْ لاَ تَبْكِي - مَا زَالَتِ المَلاَئِكَةُ تُظِلُّهُ بِأَجْنِحَتِهَا قُلْتُ لِصَدَقَةَ: أَفِيهِ حَتَّى رُفعَ قَالَ: رُبَّمَا قَالَهُ

Grade:

Reference: Sahih Al Bukhari 2816

More Hadiths in Chapter 56

View all in chapter →