امام بخاری روایت کرتے ہیں: ہمیں یوسف بن یعقوب الصفار نے حدیث بیان کی‘ انہوں نے کہا: ہمیں اسماعیل بن علیہ نے حدیث بیان کی از ایوب از حمید بن ہلال از حضرت انس بن مالک رضی اللہ عنہ‘ وہ بیان کرتے ہیں کہ
نبی صلی اللہ علیہ وسلم نے خطبہ دیا‘ پس فرمایا: زید (بن ثابت) نے جھنڈا لیا‘ پس وہ شہید ہو گئے‘ پھر جعفر (بن ابی طالب) نے جھنڈا لیا‘ پس وہ شہید ہو گئے‘ پھر عبداللہ بن رواحہ نے جھنڈا لیا‘ پس وہ شہید ہو گئے‘ پھر بغیر کسی کے حکم کے خالد بن ولید نے جھنڈا لیا تو ان کے لیے فتح ہو گئی اور ہمیں اس کی خوشی نہیں ہے کہ جو لوگ شہید ہوئے وہ ہمارے پاس زندہ رہے۔ ایوب نے کہا: یا آپ نے فرمایا: انہیں اس کی کوئی خوشی نہیں ہے کہ وہ ہمارے پاس زندہ ہوتے اور آپ کی آنکھوں سے آنسو جاری ہو رہے تھے۔
Reference: Sahih Al Bukhari 2798