امام بخاری روایت کرتے ہیں: ہمیں اسماعیل نے حدیث بیان کی‘ انہوں نے کہا: مجھے امام مالک نے حدیث بیان کی از زید بن اسلم از والد خود‘ انہوں نے کہا: میں نے حضرت عمر بن الخطاب رضی اللہ عنہ سے سنا‘ وہ بیان کرتے ہیں کہ
میں نے (کسی شخص کو) اللہ کی راہ میں ایک گھوڑے پر سوار کیا‘ پس اس نے اس گھوڑے کو فروخت کیا یا اس کو ضائع کر دیا‘ جب وہ اس کے پاس تھا‘ تو میں نے اس کو خریدنے کا ارادہ کیا اور میرا یہ گمان تھا کہ وہ مجھے کم پیسوں پر فروخت کر دے گا‘ پس میں نے نبی صلی اللہ علیہ وسلم سے اس کے متعلق سوال کیا‘ آپ نے فرمایا: تم اس کو مت خریدو خواہ وہ تمہیں ایک درہم کے عوض فروخت کر دے‘ کیونکہ اپنے ہبہ میں رجوع کرنے والا اس کتے کی مثل ہے جو اپنی قے میں رجوع کرے۔
Reference: Sahih Al Bukhari 3003