Hadith in this chapter(307 hadith)

صحیح بخاری 2975

حدیث نمبر 2975، صحیح بخاری — جہاد اور سیر کا بیان

Sahih Al Bukhari 2975

امام بخاری روایت کرتے ہیں: ہمیں قتیبہ نے حدیث بیان کی‘ انہوں نے کہا: ہمیں حاتم بن اسماعیل نے حدیث بیان کی از یزید بن ابی عبید از حضرت سلمۃ بن الاکوع رضی اللہ عنہ‘ وہ بیان کرتے ہیں کہ

حضرت علی رضی اللہ عنہ غزوۂ خیبر میں نبی صلی اللہ علیہ وسلم سے پیچھے رہ گئے‘ اور ان کی آنکھوں میں تکلیف تھی‘ پس انہوں نے دل میں کہا کہ میں رسول اللہ صلی اللہ علیہ وسلم سے پیچھے رہ گیا ہوں‘ پھر حضرت علی رضی اللہ عنہ نکلے اور نبی صلی اللہ علیہ وسلم سے جا ملے‘ اس رات کی شام کو جس کی صبح کو خیبر فتح ہوا‘ بے شک رسول اللہ صلی اللہ علیہ وسلم نے فرمایا: میں ضرور اس کو جھنڈا عطا کروں گا‘ یا فرمایا: ضرور صبح مجھ سے وہ شخص جھنڈا لے گا جس سے اللہ اور اس کا رسول محبت کرتا ہو گا‘ یا فرمایا: جو اللہ اور اس کے رسول سے محبت کرتا ہو گا تو اللہ اس کے ذریعہ خیبر فتح کرے گا‘ پھر اچانک حضرت علی رضی اللہ عنہ آ گئے اور ہمیں ان کے آنے کی توقع نہیں تھی تو لوگوں نے کہا: یہ حضرت علی ہیں‘ پھر رسول اللہ صلی اللہ علیہ وسلم نے ان کو جھنڈا عطا کیا تو اللہ تعالیٰ نے ان کے ذریعہ خیبر فتح کیا۔

Arabic Matn
حَدَّثَنَا قُتَيْبَةُ بْنُ سَعِيدٍ حَدَّثَنَا حَاتِمُ بْنُ إِسْمَاعِيلَ عَنْ يَزِيدَ بْنِ أَبِي عُبَيْدٍ عَنْ سَلَمَةَ بْنِ الْأَكْوعِ رَضِيَ اللَّهُ عَنْهُ قَالَ كَانَ عَلِيٌّ رَضِي اللَّهُ عَنْهُ تَخَلَّفَ عَنْ النَّبِيِّ صَلى اللَّهُ عَلَيْهِ وَسَلَّمَ فِي خَيْبَرَ وَكَانَ به رَمَدٌ فَقَالَ أَنَا أَتَخَلَّفُ عَنْ رَسُولِ اللّهِ صَلَّى اللَّهُ عَلَيْهِ وَسَلَّمَ فَخَرج عَلِيٌ فلَحِقَ بِالنَّبِيِّ صَلَّى اللَّهُ عليْهِ وَسلَّم فَلَمَّا كَانَ مَسَاءُ اللَّيْلَة الَّتِي فَتَحَهَا فِي صَبَاحِهَا فَقَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ لَأُعطينَّ الرَّايةَ أَوْ قَالَ لَيَأْخُذَنَّ غَدًا رَجلٌ يُحِبُّه اللَّه وَرَسُولُهُ أَوْ قَالَ يُحِبُ اللَّهَ وَرَسُولَهُ يَفْتَحُ اللَّهُ عَلَيْهِ فإِذَا نَحْنُ بِعَلِيّ وَمَا نَرْجُوهُ فَقَالُوا هَذَا عَلِيٌّ فَأَعْطَاهُ رَسُولُ اللَّهِ صَلَّى اللَّهُ عَلَيْهِ وَسَلّمَ فَفَتَحَ اللَّهُ عَليه

Grade:

Reference: Sahih Al Bukhari 2975

More Hadiths in Chapter 56

View all in chapter →