امام بخاری روایت کرتے ہیں: ہمیں سلیمان بن حرب نے حدیث بیان کی‘ انہوں نے کہا: ہمیں حماد نے حدیث بیان کی اور وہ ابن زید ہیں از حمید از حضرت انس رضی اللہ عنہ‘ وہ بیان کرتے ہیں کہ
نبی صلی اللہ علیہ وسلم ایک غزوہ میں تھے‘ پس آپ نے فرمایا: کچھ لوگ ہمارے پیچھے مدینے میں (رہ گئے) ہیں‘ ہم جس گھاٹی یا جس وادی میں بھی گئے‘ وہ اس میں ہمارے ساتھ تھے‘ ان کو عذر نے روک لیا تھا‘
اور موسیٰ نے کہا: ہمیں حماد نے حدیث بیان کی از حمید از موسیٰ بن انس از والد خود کہ نبی صلی اللہ علیہ وسلم نے فرمایا۔ امام ابو عبداللہ بخاری نے کہا کہ پہلی سند زیادہ صحیح ہے۔
Reference: Sahih Al Bukhari 2839