(امام بخاری روایت کرتے ہیں): ہمیں محمد بن یوسف نے حدیث بیان کی‘ انہوں نے کہا: ہمیں سفیان نے حدیث بیان کی از الاعمش از عمارہ بن عمیر از ابی معمر‘ انہوں نے کہا: میں نے حضرت خباب بن ارت رضی اللہ عنہ سے پوچھا: کیا نبی صلی اللہ علیہ وسلم ظہر اور عصر میں قرآن پڑھتے تھے؟ انہوں نے کہا: ہاں! میں نے پوچھا: آپ کو کس طرح معلوم ہوتا تھا کہ نبی صلی اللہ علیہ وسلم قرآن پڑھ رہے ہیں؟ انہوں نے کہا: آپ کی داڑھی کے ہلنے سے۔