امام بخاری روایت کرتے ہیں: ہمیں عبداللہ بن یوسف نے حدیث بیان کی، انہوں نے کہا: ہمیں امام مالک نے خبر دی از اسحاق بن عبداللہ انہوں نے حضرت انس رضی اللہ عنہ سے سنا، وہ بیان کرتے ہیں:

میں نے نبی صلی اللہ علیہ وسلم کو مسجد میں پایا، آپ کے ساتھ کچھ لوگ تھے، پس میں کھڑا ہو گیا، آپ نے مجھ سے فرمایا: تم کو ابوطلحہ نے بھیجا ہے؟ میں نے کہا: جی ہاں، آپ نے فرمایا: کھانے کے لیے؟ میں نے کہا: جی ہاں! آپ کے ساتھ جو لوگ تھے، آپ نے ان سے فرمایا: اٹھو، پس آپ چل پڑے اور میں بھی ان کے آگے چل پڑا۔