Hadith in this chapter(14 hadith)

صحیح بخاری 2437

حدیث نمبر 2437، صحیح بخاری — راستے میں پڑی ہوئی چیز کے احکام کا بیان

Sub-Chapter (Baab)

Sahih Al Bukhari 2437

امام بخاری روایت کرتے ہیں: ہمیں سلیمان بن حرب نے حدیث بیان کی، انہوں نے کہا: ہمیں شعبہ نے حدیث بیان کی از سلمہ بن کہیل، انہوں نے کہا: ہم نے سوید بن غفلہ سے سنا، انہوں نے بیان کیا کہ

میں سلمان بن ربیعہ اور زید بن صوحان کے ساتھ ایک غزوہ میں تھا، تو مجھے ایک چابک ملا، انہوں نے کہا: یہ میری طرف پھینک دو، میں نے کہا: نہیں! لیکن اگر مجھے اس کا مالک مل گیا تو میں یہ اس کو دے دوں گا ورنہ میں خود اس سے فائدہ اٹھاؤں گا، پس جب ہم واپس گئے تو ہم نے حج کیا، پس میں مدینہ کے پاس سے گزرا تو میں نے حضرت ابی بن کعب رضی اللہ عنہ سے سوال کیا تو انہوں نے بتایا کہ نبی صلی اللہ علیہ وآلہ وسلم کے عہد میں انہیں ایک تھیلی ملی تھی، جس میں سو دینار تھے، تو میں نبی صلی اللہ علیہ وآلہ وسلم کے پاس وہ تھیلی لے کر گیا، آپ نے فرمایا: اس کا ایک سال اعلان کرو، تو میں نے اس کا ایک سال اعلان کیا، میں پھر گیا تو آپ نے فرمایا: اس کا ایک سال اعلان کرو، تو میں نے اس کا ایک سال اعلان کیا، میں پھر گیا تو آپ نے فرمایا: اس کا ایک سال اعلان کرو، سو میں نے اس کا ایک سال اعلان کیا، میں چوتھی بار گیا تو آپ نے فرمایا: ان دیناروں کی تعداد کو اور ان کی تھیلی کو اور تھیلی کی ڈوری کو ذہن نشین کر لو، پھر اگر اس کا مالک آئے تو اس کو دے دو، ورنہ اس سے تم خود فائدہ اٹھاؤ۔

ہمیں عبدان نے حدیث بیان کی، انہوں نے کہا: مجھے ابی نے خبر دی از شعبہ از سلمہ اسی حدیث کی، انہوں نے کہا: پھر میں اس کے بعد (ابی سے) مکہ میں ملا، تو انہوں نے کہا: میں نہیں جانتا آپ نے تین سال فرمائے تھے یا ایک سال فرمایا تھا۔

Arabic Matn
حَدَّثَنَا سُلَيْمَانُ بْنُ حَرْبٍ حَدَّثَنَا شُعْبَةُ عَنْ سَلَمَةَ بْنِ كُهَيْلٍ قَالَ سَمِعْتُ سُوَيْدَ بْنَ غَفَلَةَ قَالَ كُنْتُ مَعَ سَلمانَ بْنِ رَبِيعَةَ وَزَيْدِ بْنِ صُوحَانَ فِي غَزَاةٍ فَوَجَدْتُ سَوْطًا فَقَالَا لِي أَلْقِهِ قُلْتُ لَا وَلَكِنْ إِنْ وَجَدْتُ صَاحِبَهُ وَإِلَّا اسْتَمْتَعْتُ بِهِ فَلَمَّا رَجَعْنَا حَجَجْنَا فمرَرْتُ بِالْمَدِينَةِ فَسَأَلْتُ أُبَيَّ بْن كعْب رَضِيَ اللَّهُ عَنْهُ فَقَالَ وَجَدْتُ صُرّة عَلَى عَهْدِ النَّبِيِّ صَلَّى اللَّهُ عَلَيْهِ وَسَلمَ فيهَا مِائَةُ دِينَارٍ فَأَتَيْتُ بِهَا النَّبِيَّ صَلَّى اللَّهُ عَلَيْهِ وَسَلَّمَ فقالَ عَرفْهَا حَوْلًا فَعَرَّفْتُهَا حَوْلًا ثُم أَتَيْتُ فَقَال عَرِّفْهَا حَوْلًا فَعَرَّفْتها حَوْلًا ثُمَّ أَتَيْتُهُ فَقَالَ عَرِّفْهَا حَولًا فَعَرّفتُهَا حَوْلًا ثُمَّ أَتَيْتُهُ الرّابِعَةَ فَقَالَ اعْرِفْ عِدَّتَهَا وَوِكَاءَهَا وَوِعَاءَهَا فَإِنْ جَاءَ صَاحِبُهَا وَإِلَّا اسْتَمْتِعْ بِهَا حَدَّثَنَا عَبْدَانُ قَالَ أَخْبَرَنِي أَبِي عَنْ شُعْبَةَ عَنْ سَلَمَةَ بِهَذَا قَالَ فَلَقِيتُهُ بَعدُ بِمَكّةَ فَقَالَ لَا أَدْرِي أَثَلَاثَةَ أَحْوَالٍ أَوْ حَوْلًا وَاحِدًا

Grade:

Reference: Sahih Al Bukhari 2437

More Hadiths in Chapter 45

View all in chapter →