اور یحییٰ نے کہا: ہمیں سفیان نے حدیث بیان کی، انہوں نے کہا: مجھے منصور نے حدیث بیان کی اور زائدہ نے کہا از منصور از طلحہ، انہوں نے کہا: ہمیں انس نے حدیث بیان کی اور ہمیں محمد بن مقاتل نے حدیث بیان کی، انہوں نے کہا: ہمیں عبداللہ نے خبر دی، انہوں نے کہا: ہمیں معمر نے خبر دی از ہمام بن منبہ از حضرت ابوہریرہ رضی اللہ عنہ از نبی صلی اللہ علیہ وآلہ وسلم، آپ نے فرمایا:
میں اپنے گھر واپس جاتا ہوں تو میں اپنے بستر پر ایک کھجور پڑی ہوئی پاتا ہوں، میں اس کو کھانے کے لیے اٹھاتا ہوں، پھر مجھے یہ خطرہ ہوتا ہے کہ یہ کھجور صدقہ کی ہو گی، پھر میں اس کو گرا دیتا ہوں۔
Reference: Sahih Al Bukhari 2432