امام بخاری روایت کرتے ہیں: ہمیں موسیٰ نے حدیث بیان کی انہوں نے کہا: ہمیں ابوعوانہ نے حدیث بیان کی از ابی بشر از یوسف بن ماہک از حضرت عبداللہ بن عمر رضی اللہ عنہما انہوں نے بیان کیا کہ
ہم نے ایک سفر کیا تھا اس سفر میں نبی ﷺ ہم سے پیچھے رہ گئے تھے، پس آپ نے ہم کو پا لیا، اس وقت ہم عصر کی نماز میں تاخیر کر چکے تھے، پس ہم وضوء کرنے لگے اور ہم اپنے پیروں پر مسح کر رہے تھے، پس آپ نے بہ آوازِ بلند دو یا تین بار فرمایا: (بے ڈھلی) ایڑیوں کے لیے دوزخ کی آگ کا عذاب ہو۔
Reference: Sahih Al Bukhari 163