امام بخاری روایت کرتے ہیں: ہمیں محمد بن ابوبکر نے حدیث بیان کی‘ انہوں نے کہا: ہمیں فضیل نے حدیث بیان کی‘ انہوں نے کہا: ہمیں موسیٰ بن عقبہ نے حدیث بیان کی‘ انہوں نے کہا: مجھے کریب نے خبر دی از حضرت عبداللہ بن عباس رضی اللہ عنہما انہوں نے بیان کیا کہ

نبی صلی اللہ علیہ وسلم مکہ میں آئے‘ پس آپ نے طواف کیا اور صفا اور المروۃ کے درمیان سعی کی اور اس طواف کے بعد کعبہ کے قریب نہیں گئے حتیٰ کہ عرفات سے لوٹ آئے۔