امام بخاری روایت کرتے ہیں: ہمیں مسدد نے حدیث بیان کی، انہوں نے کہا: ہمیں ابوعوانہ نے حدیث بیان کی از ابی بشر از یوسف بن ماہک از عبداللہ بن عمرو انہوں نے کہا: ہم نے ایک سفر کیا جس میں رسول اللہ صلی اللہ علیہ وسلم ہم سے پیچھے رہ گئے تھے، پھر آپ ہم سے آ کر مل گئے، اس وقت ہم نماز میں تاخیر کر چکے تھے، وہ عصر کی نماز تھی اور ہم وضو کر رہے تھے تو ہم اپنے پیروں پر مسح کرنے لگے، پس نبی صلی اللہ علیہ وسلم نے بلند آواز سے پکار کر دو بار یا تین بار فرمایا:

(بے دھلی) ایڑیوں کے لیے آگ کا عذاب ہے۔