(امام بخاری روایت کرتے ہیں): ہمیں سلیمان بن حرب نے حدیث بیان کی، انہوں نے کہا: ہمیں شعبہ نے حدیث بیان کی، از زبید از الشعبی از حضرت البراء رضی اللہ عنہ انہوں نے بیان کیا کہ

نبی صلی اللہ علیہ وسلم نے قربانی کے دن ہمیں خطبہ دیا، آپ نے فرمایا: ہم اپنے اس دن میں جس کام سے ابتداء کرتے ہیں وہ یہ ہے کہ ہم نماز پڑھتے ہیں، پھر ہم لوٹ کر جاتے ہیں اور نحر (قربانی) کرتے ہیں، پس جس نے یہ کام کیے اس نے ہماری سنت کو پا لیا اور جس نے نماز پڑھنے سے پہلے ذبح کر لیا تو وہ صرف گوشت ہے جس کو اس نے اپنے گھر والوں کے لیے تیار کر لیا ہے، اس میں عبادت کی کوئی چیز نہیں ہے، پھر میرے ماموں حضرت ابو بردہ بن نیار رضی اللہ عنہ کھڑے ہوئے، پس انہوں نے کہا: یا رسول اللہ! میں نے نماز پڑھنے سے پہلے ذبح کر دیا اور میرے پاس ایک چھ ماہ کا بکری کا بچہ ہے اور وہ ایک سال کے بکرے سے زیادہ فربہ ہے، آپ نے فرمایا: اس کو اس کی جگہ ذبح کر دو یا فرمایا: اس کو ذبح کر دو اور تمہارے بعد چھ ماہ کا بکری کا بچہ (قربانی میں) کسی کے لیے کافی نہیں ہوگا۔