ابوعاصم نے بیان کیا: ہمیں سلیمان بن حرب نے حدیث بیان کی، انہوں نے کہا: ہمیں شعبہ نے حدیث بیان کی از عدی بن ثابت از سعید بن جبیر از حضرت ابن عباس رضی اللہ عنہما کہ

نبی صلی اللہ علیہ وسلم نے عیدالفطر کے دن دو رکعت نماز پڑھائی، اس سے پہلے کوئی نماز پڑھی نہ اس کے بعد کوئی نماز پڑھی، پھر آپ خواتین کے پاس گئے، اس وقت آپ کے ساتھ حضرت بلال رضی اللہ عنہ تھے، آپ نے خواتین کو صدقہ کرنے کا حکم دیا، پھر خواتین کپڑے میں ڈالتی تھیں، خواتین اس میں اپنی بالیاں اور ہار ڈالتی تھیں۔