(امام بخاری روایت کرتے ہیں): ہمیں عبید بن اسماعیل نے حدیث بیان کی، انہوں نے کہا: ہمیں ابو اسامہ نے حدیث بیان کی از ہشام از والد خود از حضرت عائشہ رضی اللہ عنہا، وہ بیان کرتی ہیں کہ

حضرت ابو بکر رضی اللہ عنہ (گھر میں) آئے اور اس وقت میرے پاس انصار کی لڑکیوں میں سے دو لڑکیاں یوم بعاث کے متعلق انصار کا بیان کردہ قصہ گا رہی تھیں، حضرت عائشہ نے بتایا وہ پیشہ ور گانے والیاں نہیں تھیں، پس حضرت ابو بکر نے فرمایا: کیا شیطان کے مزامیر (آلاتِ غناء) رسول اللہ صلی اللہ علیہ وسلم کے گھر میں ہیں، اور وہ عید کا دن تھا، تو رسول اللہ صلی اللہ علیہ وسلم نے فرمایا: اے ابو بکر! ہر قوم کے لیے ایک عید ہوتی ہے اور یہ ہماری عید ہے۔