امام بخاری روایت کرتے ہیں: ہمیں مسدد نے حدیث بیان کی، انہوں نے کہا: ہمیں حماد بن زید نے حدیث بیان کی از عبدالعزیز از حضرت انس اور از یونس از ثابت از حضرت انس رضی اللہ عنہ، انہوں نے بیان کیا کہ

جس وقت نبی صلی اللہ علیہ وسلم جمعہ کے دن خطبہ دے رہے تھے ایک شخص کھڑا ہوا اور کہنے لگا: یا رسول اللہ! گھوڑے ہلاک ہوگئے اور بکریاں ہلاک ہوگئیں، سو آپ اللہ سے دعا کیجئے کہ وہ ہم پر بارش نازل فرمائے، پھر رسول اللہ صلی اللہ علیہ وسلم نے اپنے ہاتھ بلند کیے اور دعا کی۔