امام بخاری روایت کرتے ہیں: ہمیں اسماعیل نے حدیث بیان کی، انہوں نے کہا: مجھے سلیمان بن بلال نے حدیث بیان کی، انہوں نے کہا کہ ہشام بن عروہ نے کہا کہ مجھے میرے والد نے خبر دی از حضرت عائشہ رضی اللہ عنہا، وہ بیان کرتی ہیں کہ

حضرت عبدالرحمن بن ابی بکر آئے اور ان کے پاس مسواک تھی، جس سے وہ دانت صاف کر رہے تھے، رسول اللہ صلی اللہ علیہ وسلم نے ان کی طرف دیکھا، میں نے کہا: اے عبدالرحمن! مجھے یہ مسواک دے دو، سو انہوں نے مجھے وہ مسواک دے دی، میں نے اس کا (اگلا حصہ) کاٹا، پھر میں نے اس کو چبایا، پس میں نے وہ مسواک رسول اللہ صلی اللہ علیہ وسلم کو دے دی، آپ نے اس مسواک کو استعمال کیا، اس وقت آپ میرے سینے کی طرف ٹیک لگائے ہوئے تھے۔