(امام بخاری روایت کرتے ہیں): ہمیں محمد بن عبید نے حدیث بیان کی، انہوں نے کہا: ہمیں عیسیٰ بن یونس نے حدیث بیان کی از عمر بن سعید انہوں نے کہا: مجھے ابن ابی ملیکہ نے خبر دی از حضرت عقبہ رضی اللہ عنہ انہوں نے بیان کیا کہ

میں نے مدینہ میں نبی صلی اللہ علیہ وسلم کے پیچھے عصر کی نماز پڑھی، پس آپ نے سلام پھیرا، پھر آپ جلدی سے اٹھے اور لوگوں کی گردنیں پھلانگتے ہوئے اپنی ازواج مطہرات کے کسی حجرہ کی طرف چلے گئے، لوگ آپ کی جلدی کی وجہ سے گھبرا گئے، پس آپ لوگوں کے پاس آئے تو دیکھا کہ وہ آپ کے جلدی جانے کی وجہ سے تعجب کر رہے ہیں، تو آپ نے فرمایا: مجھے یاد آیا کہ ہمارے پاس کچھ سونا ہے، پس مجھے ناپسند ہوا کہ وہ سونا مجھے روکے رکھے، سو میں نے اس کو تقسیم کرنے کا حکم دیا۔