(امام بخاری روایت کرتے ہیں): ہمیں عمرو بن عوف نے حدیث بیان کی، انہوں نے کہا: ہمیں ہشیم نے حدیث بیان کی از ابی بشر از عکرمہ، انہوں نے بیان کیا کہ

میں نے ایک شخص کو مقام (مقامِ ابراہیم) کے پاس نماز پڑھتے ہوئے دیکھا وہ ہر بار جھکتے ہوئے اور اٹھتے ہوئے تکبیر پڑھتا تھا اور جب وہ کھڑا ہوتا اور جب نیچے جاتا، تو میں نے حضرت ابن عباس رضی اللہ عنہما کو اس کی خبر دی تو انہوں نے کہا: تمہاری ماں مر جائے، کیا یہ رسول اللہ صلی اللہ علیہ وسلم کی نماز نہیں ہے؟