(امام بخاری روایت کرتے ہیں): ہمیں ابوالیمان نے حدیث بیان کی‘ انہوں نے کہا: ہمیں شعیب نے خبر دی از الزہری‘ انہوں نے کہا: ہمیں حضرت انس بن مالک انصاری رضی اللہ عنہ نے خبر دی کہ

رسول اللہ صلی اللہ علیہ وسلم ایک گھوڑے پر سوار ہوئے‘ پس آپ کی دائیں جانب زخمی ہو گئی‘ حضرت انس رضی اللہ عنہ نے بیان کیا کہ ایک دن آپ نے ہمیں نمازوں میں سے کوئی نماز پڑھائی‘ اس وقت آپ بیٹھے ہوئے تھے‘ پس ہم نے بھی آپ کی اقتداء میں بیٹھ کر نماز پڑھی‘ پھر جب آپ نے سلام پھیرا تو فرمایا: امام صرف اس لیے بنایا جاتا ہے کہ اس کی اقتداء کی جائے‘ پس جب وہ کھڑے ہو کر نماز پڑھے تو تم کھڑے ہو کر نماز پڑھو اور جب وہ رکوع کرے تو تم رکوع کرو اور جب وہ رکوع سے سر اٹھائے تو تم بھی رکوع سے سر اٹھاؤ اور جب وہ سجدہ کرے تو تم سب سجدہ کرو اور جب وہ ”سمع اللہ لمن حمدہ“ کہے تو تم کہو: ”ربنا ولک الحمد“۔