(امام بخاری روایت کرتے ہیں کہ) ہمیں علی نے حدیث بیان کی وہ کہتے ہیں: ہمیں سفیان نے حدیث بیان کی وہ کہتے ہیں: مجھ سے ابن ابی نجیح نے کہا از مجاہد انہوں نے کہا:

میں مدینہ تک حضرت ابن عمر رضی اللہ عنہما کے ساتھ رہا، میں نے ان سے رسول اللہ صلی اللہ علیہ وسلم کی صرف ایک حدیث سنی، انہوں نے کہا: ہم نبی صلی اللہ علیہ وسلم کے پاس بیٹھے ہوئے تھے کہ آپ کے پاس کھجور کے درخت کا گوند لایا گیا جو چربی سے مشابہ ہوتا ہے، آپ نے فرمایا: درختوں میں سے ایک درخت ہے جو مسلم کے مشابہ ہے، میرے دل میں آیا کہ میں کہوں کہ وہ کھجور کا درخت ہے لیکن میں حاضرین میں سب سے چھوٹا تھا، میں خاموش رہا، نبی صلی اللہ علیہ وسلم نے فرمایا: وہ کھجور کا درخت ہے۔