(امام بخاری روایت کرتے ہیں): ہمیں عبداللہ بن محمد نے حدیث بیان کی‘ انہوں نے کہا: ہمیں عبدالرزاق نے حدیث بیان کی‘ انہوں نے کہا: ہمیں معمر نے خبر دی از ھمام از حضرت ابوہریرہ رضی اللہ عنہ از نبی صلی اللہ علیہ وسلم‘ آپ نے فرمایا:

امام صرف اس لیے بنایا جاتا ہے کہ اس کی اقتداء کی جائے سو تم اس سے اختلاف نہ کرو‘ پس جب وہ رکوع کرے تو تم رکوع کرو‘ اور جب وہ ”سمع اللہ لمن حمدہ“ کہے تو تم کہو: ”ربنا لک الحمد“ اور جب وہ سجدہ کرے تو تم سجدہ کرو اور جب وہ بیٹھ کر نماز پڑھے تو تم سب بیٹھ کر نماز پڑھو‘ نماز میں صف کو قائم رکھو کیونکہ صف کو قائم رکھنا نماز کے حسن (میں) سے ہے۔