(امام بخاری روایت کرتے ہیں): ہمیں یحییٰ بن سلیمان نے حدیث بیان کی، انہوں نے کہا: ہمیں ابن وہب نے حدیث بیان کی، انہوں نے کہا: ہمیں یونس نے حدیث بیان کی از ابن شہاب از حمزہ بن عبداللہ کہ ان کو ان کے والد سے خبر ملی کہ جب رسول اللہ ﷺ کا درد زیادہ ہو گیا تو آپ سے نماز کے متعلق کہا گیا تو آپ نے فرمایا کہ ابوبکر کو حکم دو کہ وہ لوگوں کو نماز پڑھائیں، حضرت عائشہ نے کہا: ابوبکر رقیق القلب ہیں، جب وہ قرآن پڑھیں گے تو وہ رونا شروع کر دیں گے، آپ نے فرمایا: ان ہی کو نماز پڑھانے کا حکم دو حضرت عائشہ نے پھر دوبارہ کہا، آپ نے فرمایا: ابوبکر کو نماز پڑھانے کا حکم دو بےشک تم حضرت یوسف کے زمانہ کی عورتوں (کی مثل) ہو۔

یونس بن یزید کی زبیدی نے متابعت کی ہے اور الزہری کے بھتیجے نے اور اسحاق بن یحییٰ الکلبی نے از الزہری، اور عقیل اور معمر نے کہا از الزہری از حمزہ از نبی ﷺ۔