(امام بخاری روایت کرتے ہیں): ہمیں عبداللہ بن مسلمہ نے حدیث بیان کی از امام مالک از ابی الزناد از الاعرج از حضرت ابوہریرہ رضی اللہ عنہ کہ رسول اللہ صلی اللہ علیہ وآلہ وسلم نے فرمایا:

فرشتے تم میں سے کسی ایک کے لیے نزول رحمت کی دعا کرتے رہتے ہیں، جب تک کہ وہ اپنی نماز کی جگہ میں ہو (اور) جب تک وہ وضوء نہ توڑے، وہ دعا کرتے ہیں: اے اللہ! اس کو بخش دے، اے اللہ! اس پر رحم فرما، تم میں سے کسی ایک کا اس وقت تک نماز میں شمار ہوتا ہے، جب تک نماز اس کو (مسجد میں) روکے رکھتی ہے، اس کو گھر لوٹ کر جانے سے نماز کے سوا اور کوئی چیز مانع نہیں ہوتی۔