(امام بخاری روایت کرتے ہیں): ہمیں عبدالعزیز بن عبداللہ نے حدیث بیان کی، انہوں نے کہا: ہمیں ابراہیم بن سعد نے حدیث بیان کی از صالح بن کیسان از ابن شہاب از ابی سلمہ از حضرت ابوہریرہ رضی اللہ عنہ کہ

رسول اللہ صلی اللہ علیہ وآلہ وسلم حجرہ سے نکلے، اس وقت نماز کی اقامت کہی جا چکی تھی اور صفیں برابر کی جا چکی تھیں حتیٰ کہ جب آپ جانماز پر کھڑے ہوئے، ہم اس کے منتظر تھے کہ آپ تکبیر تحریمہ پڑھیں، آپ لوٹ گئے اور فرمایا: تم اپنی جگہوں پر کھڑے رہو، تو ہم اسی حالت میں کھڑے رہے، حتیٰ کہ آپ ہماری طرف اس حال میں نکلے کہ آپ کے سر سے پانی کے قطرے گر رہے تھے، اور بے شک آپ نے غسل کیا تھا۔