(امام بخاری روایت کرتے ہیں): ہمیں معلیٰ بن اسد نے حدیث بیان کی، انہوں نے کہا: ہمیں وہیب نے حدیث بیان کی از ایوب از ابی قلابہ از حضرت مالک بن الحویرث رضی اللہ عنہ، وہ بیان کرتے ہیں کہ

میں اپنی قوم کی ایک جماعت کے ساتھ نبی صلی اللہ علیہ وآلہ وسلم کی خدمت میں حاضر ہوا، ہم آپ کے پاس بیس راتیں ٹھہرے، آپ بہت نرم دل مہربان تھے، جب آپ نے دیکھا، ہمیں اپنے گھر والوں کی یاد آ رہی ہے تو آپ نے فرمایا: تم اپنے گھر لوٹ جاؤ اور ان میں رہو، ان کو تعلیم دو اور نماز پڑھو اور جب نماز کا وقت آ جائے تو تم میں سے ایک شخص اذان دے اور جو تم میں سے بڑا ہو، وہ نماز پڑھائے۔