(امام بخاری روایت کرتے ہیں): ہمیں مسدد نے حدیث بیان کی، انہوں نے کہا: ہمیں حماد نے حدیث بیان کی از ایوب و عبدالحمید صاحب الزیادی و عاصم الاحول از عبد اللہ بن الحارث، انہوں نے بیان کیا کہ

حضرت عبد اللہ بن عباس رضی اللہ عنہما نے ہمیں کیچڑ والے دن خطبہ دیا، جب مؤذن ”حی علی الفلاح“ پر پہنچا تو انہوں نے اس کو حکم دیا کہ وہ کہے کہ ”گھروں میں نماز پڑھو“ پھر لوگوں نے ایک دوسرے کی طرف دیکھا تو حضرت ابن عباس نے کہا: جو مجھ سے افضل تھے، انہوں نے یہ کیا ہے اور یہ عزیمت ہے۔