(امام بخاری روایت کرتے ہیں کہ) ہمیں ابو النعمان عارم بن الفضل نے حدیث بیان کی، انہوں نے کہا: ہمیں ابو عوانہ نے حدیث بیان کی، از ابی بشر از یوسف بن ماھک از عبداللہ بن عمرو، انہوں نے بیان کیا:

ہم نے ایک سفر کیا، نبی صلی اللہ علیہ وسلم اس سفر میں ہم سے پیچھے رہ گئے تھے، پھر آپ ہم سے مل گئے، اس وقت نماز ہم سے مؤخر ہو گئی تھی، اور ہم وضو کر رہے تھے، ہم اپنے پیروں پر مسح کرنے لگے تو آپ نے بلند آواز سے دو یا تین بار فرمایا: (بے دُھلی) ایڑیوں کے لیے آگ کا عذاب ہے۔