امام بخاری روایت کرتے ہیں: ہمیں ابوکریب نے حدیث بیان کی‘ انہوں نے کہا: ہمیں ابواسامہ نے حدیث بیان کی از برید از ابی بردہ از حضرت ابوموسیٰ رضی اللہ عنہ از نبی صلی اللہ علیہ وآلہ وسلم‘ آپ نے فرمایا:

مسلمانوں اور یہود اور نصاریٰ کی مثال اس شخص کی طرح ہے‘ جس نے کچھ لوگوں کو بلایا کہ وہ اس کے لیے رات تک عمل کریں‘ پس انہوں نے دوپہر تک عمل کیا‘ پھر کہا: ہمیں تمہاری اجرت کی ضرورت نہیں ہے‘ اس نے اور لوگوں کو اجرت پر بلا لیا اور ان سے کہا: تم بقیہ دن میں کام کرو اور تم کو شرط کے موافق اجر ملے گا‘ پھر انہوں نے عمل کیا حتیٰ کہ جب عصر کی نماز کا وقت آیا تو انہوں نے کہا: بس تمہارے لیے اتنا ہی عمل ہے جو ہم نے کیا ہے‘ پھر اس شخص نے اور لوگوں کو بلایا‘ جنہوں نے بقیہ دن کام کیا حتیٰ کہ سورج غروب ہو گیا اور انہوں نے دونوں فریقوں کا مکمل اجر لے لیا۔