امام بخاری روایت کرتے ہیں کہ ہمیں محمد بن ابی بکر المقدمی البصری نے حدیث بیان کی‘ انہوں نے کہا کہ ہمیں معتمر نے حدیث بیان کی از عبید اللہ از نافع از حضرت ابن عمر رضی اللہ عنہما‘از نبی صلی اللہ علیہ وسلم کہ

نبی صلی اللہ علیہ وسلم اپنی سواری کو عرض میں کر لیتے‘ پھر اس کی طرف منہ کر کے نماز پڑھتے‘ میں نے کہا: یہ بتائیں کہ جب سواریاں اچھلتیں (تو آپ کیا کرتے تھے)؟ انہوں نے کہا: پھر آپ اس پالان یا کجاوے کو پکڑ لیتے‘ اس کو برابر رکھتے اور اس کی آخری لکڑی کو کھڑا کر کے اس کی طرف نماز پڑھتے اور حضرت ابن عمر رضی اللہ عنہما بھی ایسا ہی کرتے تھے۔