امام بخاری روایت کرتے ہیں: ہمیں ابوالیمان نے حدیث بیان کی، انہوں نے کہا: ہمیں شعیب نے خبر دی از الزہری، انہوں نے کہا: مجھے عبیداللہ بن عبداللہ بن عتبہ نے خبر دی کہ حضرت عائشہ اور حضرت عبداللہ بن عباس رضی اللہ عنہما نے کہا:

جب رسول اللہ صلی اللہ علیہ وسلم پر مرض الموت نازل ہوا تو رسول اللہ صلی اللہ علیہ وسلم نے اپنے چہرے پر سیاہ منقش چادر ڈالی، پھر جب آپ کو اس چادر سے تنگی ہوئی تو آپ نے اس چادر کو چہرے سے ہٹایا، پھر اسی حالت میں آپ نے فرمایا: یہود اور نصاریٰ پر اللہ تعالیٰ کی لعنت ہو، جنہوں نے انبیاء علیہم السلام کی قبروں کو مساجد بنا دیا، آپ ان کے کیے ہوئے کاموں سے ڈرا رہے تھے۔