امام بخاری روایت کرتے ہیں: ہمیں علی نے حدیث بیان کی، انہوں نے کہا: ہمیں سفیان نے حدیث بیان کی، انہوں نے کہا: ہمیں الزہری نے حدیث بیان کی از حمید بن عبدالرحمن از حضرت ابو سعید کہ نبی صلی اللہ علیہ وسلم نے مسجد کے قبلہ کی جانب بلغم دیکھا، آپ نے کنکری کے ساتھ اس کو کھرچ دیا، پھر آپ نے اس سے منع کیا کہ کوئی شخص اپنے سامنے تھوکے یا اپنی دائیں جانب لیکن اپنی بائیں جانب تھوکے یا اپنے الٹے قدم کے نیچے۔

اور زہری سے روایت ہے کہ انہوں نے حمید سے سنا، از ابو سعید اس کی مثل۔