(امام بخاری روایت کرتے ہیں کہ) ہمیں عبد اللہ بن محمد المسندی نے حدیث بیان کی، انہوں نے کہا: ہمیں ابو روح الحر می بن عمارہ نے حدیث بیان کی، انہوں نے کہا: ہمیں شعبہ نے از واقد بن محمد حدیث بیان کی، انہوں نے کہا: میں نے اپنے والد سے سنا، وہ حضرت ابن عمر رضی اللہ عنہما سے حدیث بیان کرتے تھے کہ رسول اللہ صلی اللہ علیہ وسلم نے فرمایا :

مجھے لوگوں سے قتال کرنے کا حکم دیا گیا ہے حتیٰ کہ وہ یہ شہادت دیں کہ اللہ کے سوا کوئی عبادت کا مستحق نہیں ہے اور بے شک محمد اللہ کے رسول ہیں، اور نماز قائم کریں اور زکوٰۃ ادا کریں، پس جب وہ یہ کام کر لیں گے تو وہ مجھ سے اپنی جانوں اور مالوں کو محفوظ کر لیں گے، سوا اسلام کے حق کے اور ان کا حساب اللہ پر ہے۔