(امام بخاری روایت کرتے ہیں کہ) ہمیں محمد بن عبید اللہ نے حدیث بیان کی، انہوں نے کہا: ہمیں ابراہیم بن سعد نے از صالح از ابن شہاب از ابو امامہ بن سہل یہ حدیث بیان کی کہ حضرت ابو سعید خدری رضی اللہ عنہ یہ کہتے تھے کہ رسول اللہ صلی اللہ علیہ وسلم نے فرمایا:

جس وقت میں سویا ہوا تھا، تو میں نے (خواب میں) دیکھا کہ لوگ میرے سامنے پیش کیے جا رہے ہیں اور سب پر قمیصیں ہیں، بعض کی قمیصیں پستانوں تک ہیں اور بعض کی اس سے کم ہیں اور میرے سامنے عمر بن الخطاب پیش کیے گئے، اور ان پر ایسی قمیص تھی، جس کو وہ گھسیٹ رہے تھے، صحابہ نے پوچھا: یا رسول اللہ! آپ نے اس کی کیا تعبیر لی ہے؟ آپ نے فرمایا: دین۔