امام بخاری روایت کرتے ہیں: ہمیں اسماعیل نے حدیث بیان کی‘ انہوں نے کہا: مجھے امام مالک نے حدیث بیان کی از ابن شہاب از عبید اللہ بن عبد اللہ از حضرت ابو ہریرہ و حضرت زید بن خالد رضی اللہ عنہما‘ وہ بیان کرتے ہیں کہ

رسول اللہ صلی اللہ علیہ وسلم سے باندی کے متعلق سوال کیا گیا کہ جب وہ زنا کرے اور وہ محصنہ (یعنی مسلمان‘ پاک دامن‘ آزاد اور شادی شدہ) نہ ہو؟ آپ نے فرمایا: اگر وہ زنا کرے تو اس کو کوڑے مارو‘ اگر پھر وہ زنا کرے تو اس کو پھر کوڑے مارو‘ اور اگر وہ پھر زنا کرے تو اس کو فروخت کر دو‘ خواہ ایک رسی کے عوض۔

ابن شہاب نے کہا: مجھے معلوم نہیں کہ آپ نے تیسری بار فرمایا یا چوتھی بار فرمایا۔