امام ابو عبداللہ (بخاری) نے کہا : اور لیث نے کہا : مجھے عبد الرحمن بن خالد نے حدیث بیان کی از ابن شہاب از سالم بن عبد اللہ از حضرت عبداللہ بن عمر رضی اللہ عنہما، وہ بیان کرتے ہیں کہ

میں نے امیر المؤمنین حضرت عثمان رضی اللہ عنہ سے وادی میں ایک مال خریدا ان کے اس مال کے عوض جو خیبر میں تھا، پس جب ہم نے بیع کر لی تو الٹے پیر پیچھے لوٹ گیا، حتیٰ کہ میں ان کے گھر سے نکل گیا، اس خوف سے کہ وہ میری اس بیع کو فسخ کر دیں گے اور اس وقت بیع کا معمول یہ تھا کہ خریدار اور بائع کو اس وقت تک (فسخ بیع کا) اختیار ہوتا تھا حتیٰ کہ وہ متفرق ہو جائیں، حضرت عبداللہ بن عمر نے کہا: جب میری اور ان کی بیع لازم ہو گئی تو میں نے دیکھا کہ میں نے حضرت عثمان کو نقصان پہنچایا ہے کیونکہ میں نے ان کو تین رات کی مسافت پر ارضِ ثمود کی طرف روانہ کیا اور انہوں نے مجھے تین رات کی مسافت پر مدینہ کی طرف روانہ کیا۔