امام بخاری روایت کرتے ہیں: ہمیں علی بن عبداللہ نے حدیث بیان کی’ انہوں نے کہا: ہمیں سفیان نے حدیث بیان کی’ انہوں نے کہا کہ عمرو نے کہا:

یہاں ایک شخص تھا’ اس کا نام نوّاس تھا’ اس کے پاس استسقاء کی بیماری والے اونٹ تھے’ حضرت ابن عمر رضی اللہ عنہ نے اس کے شریک سے وہ اونٹ خریدے’ پھر اس کے پاس اس کا (دوسرا) شریک آیا اور اس نے اس کو بتایا کہ ہم نے وہ اونٹ فروخت کر دیئے’ اس (پہلے) شریک نے پوچھا: تم نے وہ اونٹ کس کو فروخت کیے؟ اس نے کہا: فلاں فلاں بوڑھے آدمی کو’ اس نے کہا: تم پر افسوس ہے’ اللہ کی قسم! وہ تو حضرت ابن عمر رضی اللہ عنہما ہیں’ پھر وہ شریک ان کے پاس گیا اور کہا: میرے شریک نے آپ کو پیاس کی بیماری والے اونٹ فروخت کر دیئے اور اس نے آپ کو پہچانا نہیں تھا’ حضرت ابن عمر نے کہا: اچھا اس کو لے جاؤ’ جب وہ اس کو لے کر جانے لگا تو حضرت ابن عمر نے کہا: اس کو رہنے دو’ ہم رسول اللہ صلی اللہ علیہ وسلم کے اس ارشاد پر راضی ہیں کہ کوئی مرض (ازخود) متعدی نہیں ہوتا۔

سفیان نے اس حدیث کو عمرو سے سنا ہے۔