امام بخاری روایت کرتے ہیں: ہمیں محمد نے حدیث بیان کی‘ انہوں نے کہا: ہمیں محمد بن فضیل بن غزوان نے خبر دی از یحییٰ بن سعید از عمرہ بنت عبدالرحمن از حضرت عائشہ رضی اللہ عنہا‘ وہ بیان کرتی ہیں کہ

رسول اللہ صلی اللہ علیہ وسلم ہر رمضان میں اعتکاف کرتے تھے اور جب صبح کی نماز پڑھتے تو اپنے اعتکاف کی جگہ میں داخل ہو جاتے‘ پس حضرت عائشہ رضی اللہ عنہا نے آپ سے اعتکاف کی اجازت طلب کی‘ آپ نے ان کو اجازت دے دی‘ پس انہوں نے مسجد میں ایک خیمہ لگا لیا‘ پس حضرت حفصہ نے یہ سنا تو انہوں نے بھی ایک خیمہ لگا لیا‘ حضرت زینب نے یہ سنا تو انہوں نے بھی ایک اور خیمہ لگا لیا‘ پھر جب رسول اللہ صلی اللہ علیہ وسلم صبح کی نماز پڑھ کر آئے تو آپ نے چار خیمے لگے ہوئے دیکھے‘ آپ نے پوچھا: یہ کیسے خیمے ہیں؟ تو آپ کو خبر دی گئی کہ ازواج مطہرات نے یہ خیمے لگائے ہیں‘ آپ نے فرمایا: ان کو اس چیز پر کس نے برانگیخته کیا ہے؟ کیا یہ نیکی کا کام ہے! ان خیموں کو اکھاڑ دو‘ سو میں ان کو (دوبارہ) نہ دیکھوں! پھر ان خیموں کو اکھاڑ دیا گیا‘ پھر آپ نے اس رمضان میں اعتکاف نہیں کیا حتیٰ کہ شوال کے آخری عشرہ میں اعتکاف کیا۔