امام بخاری روایت کرتے ہیں: ہمیں ابراہیم بن موسیٰ نے حدیث بیان کی‘ انہوں نے کہا: ہمیں ہشام نے خبر دی از ابن جریج‘ انہوں نے کہا: مجھے عمرو بن دینار نے خبر دی از عطاء بن میناء‘ انہوں نے کہا: میں نے عطاء سے سنا‘ وہ حضرت ابو ہریرہ رضی اللہ عنہ سے یہ حدیث بیان کرتے تھے کہ

نبی صلی اللہ علیہ وسلم دو روزوں سے اور دو قسم کی بیع سے منع فرماتے تھے‘ عید الفطر اور عید الاضحیٰ کے روزوں سے اور اس بیع سے کہ جس چیز کو چھو لیا اس کی بیع واجب ہے اور اس بیع سے کہ جس چیز پر کنکری پھینک دی اس کی بیع واجب ہے‘ یا جس کو اٹھا کر پھینک دیا اس کی بیع واجب ہے۔