امام بخاری روایت کرتے ہیں: ہمیں آدم نے حدیث بیان کی‘ انہوں نے کہا: ہمیں شعبہ نے حدیث بیان کی‘ انہوں نے کہا: ہمیں حبیب بن ابی ثابت نے حدیث بیان کی‘ انہوں نے کہا: میں نے ابو العباس المکی سے سنا اور وہ شاعر تھے اور وہ اپنی حدیث میں متہم نہیں تھے‘ انہوں نے کہا: میں نے حضرت عبداللہ بن عمرو بن العاص رضی اللہ عنہما سے سنا‘ وہ بیان کرتے ہیں کہ مجھ سے نبی صلی اللہ علیہ وسلم نے یہ فرمایا:

تم تسلسل سے روزے رکھتے ہو اور (ہر) رات میں قیام کرتے ہو؟ میں نے کہا: جی ہاں! آپ نے فرمایا: اگر تم ایسا کرتے رہے تو تمہاری آنکھیں اندر دھنس جائیں گی یعنی تمہاری بینائی کمزور ہو جائے گی اور تمہارا بدن بہت لاعز ہو جائے گا، جس نے زندگی بھر روزے رکھے اس کا کوئی روزہ نہیں ہوا، مہینہ میں تین دن کے روزے رکھنا زندگی بھر روزے رکھنے کے برابر ہے، میں نے کہا: میں اس سے زیادہ کی طاقت رکھتا ہوں، آپ نے فرمایا: پھر تم حضرت داؤد علیہ السلام کے روزے رکھو، وہ ایک دن روزہ رکھتے تھے اور ایک دن روزہ چھوڑ دیتے تھے اور جب دشمن سے مقابلہ ہوتا تو بھاگتے نہیں تھے۔