امام بخاری روایت کرتے ہیں: ہمیں احمد بن یونس نے حدیث بیان کی‘ انہوں نے کہا: ہمیں ابو بکر نے حدیث بیان کی از سلیمان از حضرت ابن ابی اوفیٰ رضی اللہ عنہما‘ وہ بیان کرتے ہیں کہ

میں نبی صلی اللہ علیہ وسلم کے ساتھ ایک سفر میں تھا‘ آپ نے روزہ رکھا حتىٰ کہ شام کا وقت ہو گیا‘ آپ نے ایک شخص سے فرمایا: (سواری سے) اترو اور میرے لیے ستو گھولو‘ اس نے کہا: آپ انتظار فرمائیں حتىٰ کہ شام ہو جائے‘ آپ نے فرمایا: اترو اور میرے لیے ستو گھولو‘ جب تم دیکھو کہ رات اس طرف (مشرق) سے آ رہی ہے تو روزہ دار کے افطار کا وقت ہو گیا۔