امام بخاری روایت کرتے ہیں: ہمیں خالد بن مخلد نے حدیث بیان کی، انہوں نے کہا: ہمیں سلیمان بن بلال نے حدیث بیان کی، انہوں نے کہا: مجھے ابوحازم نے حدیث بیان کی از حضرت سہل رضی اللہ عنہ، وہ بیان کرتے ہیں کہ نبی صلی اللہ علیہ وسلم نے فرمایا:

جنت میں ایک دروازہ ہے جس کو ریان کہا جاتا ہے، اس دروازہ سے قیامت کے دن روزہ دار داخل ہوں گے، ان کے سوا کوئی اور داخل نہیں ہو گا، کہا جائے گا: روزہ رکھنے والے کہاں ہیں، پھر روزہ دار کھڑے ہوں گے، اس دروازہ سے ان کے علاوہ اور کوئی داخل نہیں ہو گا، پھر جب وہ داخل ہو جائیں گے تو اس دروازہ کو بند کر دیا جائے گا پھر اس سے کوئی اور داخل نہیں ہو گا۔