امام بخاری روایت کرتے ہیں: ہمیں عبداللہ بن یوسف نے حدیث بیان کی، انہوں نے کہا: ہمیں امام مالک نے خبر دی از یحییٰ بن سعید انہوں نے کہا: میں نے ابو الحباب سے سنا کہ سعید بن یسار کہتے تھے کہ میں نے حضرت ابو ہریرہ رضی اللہ عنہ کو یہ فرماتے ہوئے سنا ہے کہ رسول اللہ صلی اللہ علیہ وسلم نے فرمایا:

مجھے ایسی بستی میں جانے کا حکم دیا ہے جو تمام بستیوں کو کھا لے گی، (منافق) لوگ اس کو یثرب کہتے ہیں اور وہ مدینہ ہے، وہ بُرے لوگوں کو اس طرح دور کر دے گی جس طرح بھٹی لوہے کے زنگ کو دور کر دیتی ہے۔