امام بخاری روایت کرتے ہیں کہ ہمیں ابن سلام نے حدیث بیان کی‘ انہوں نے کہا: ہمیں الفزاری نے خبر دی از حمید الطویل‘ انہوں نے کہا: مجھے ثابت نے حدیث بیان کی از حضرت انس رضی اللہ عنہ‘ وہ بیان کرتے ہیں کہ

نبی صلی اللہ علیہ وسلم نے دیکھا کہ ایک بوڑھا شخص اپنے دو بیٹوں کے (کندھوں پر) ٹیک لگا کر چل رہا تھا‘ آپ نے پوچھا: اس کو کیا ہوا ہے؟ لوگوں نے بتایا کہ اس نے پیدل چلنے کی نذر مانی تھی‘ آپ نے فرمایا: یہ جو اپنے آپ کو عذاب دے رہا ہے‘ اللہ اس سے مستغنی ہے اور آپ نے اس کو سوار ہونے کا حکم دیا۔