امام بخاری روایت کرتے ہیں: ہمیں عبدان نے حدیث بیان کی‘ انہوں نے کہا: ہمیں یزید بن زریع نے خبر دی‘ انہوں نے کہا: ہمیں حبیب المعلم نے خبر دی از عطاء از حضرت ابن عباس رضی اللہ عنہما‘ وہ بیان کرتے ہیں کہ

جب نبی صلی اللہ علیہ وسلم اپنے حج سے واپس آئے تو آپ نے حضرت ام سنان انصاریہ رضی اللہ عنہا سے فرمایا: تمہیں حج پر جانے سے کیا چیز مانع تھی؟ انہوں نے کہا: ابوفلاں‘ ان کی مراد تھی ان کا شوہر‘ اس کے پاس پانی لاد کر لانے والے دو اونٹ تھے‘ ایک اونٹ پر بیٹھ کر وہ حج پر چلا گیا اور دوسرے اونٹ کے ذریعہ ہم اپنی زمین کو پانی سے سیراب کرتے ہیں‘ آپ نے فرمایا: بے شک رمضان کے مہینہ میں عمرہ کرنا میرے ساتھ حج کرنے کا تقاضا کرتا ہے۔

اس حدیث کو ابن جریج نے عطاء سے روایت کیا ہے‘ انہوں نے کہا: میں نے حضرت ابن عباس رضی اللہ عنہما سے سنا از نبی صلی اللہ علیہ وسلم‘ اور عبیداللہ نے کہا از عبدالکریم از عطاء از جابر از نبی صلی اللہ علیہ وسلم۔