امام بخاری روایت کرتے ہیں: ہمیں قتیبہ نے حدیث بیان کی‘ انہوں نے کہا: ہمیں جریر نے حدیث بیان کی از منصور از الحکم از سعید بن جبیر از حضرت ابن عباس رضی اللہ عنہما‘ وہ بیان کرتے ہیں کہ

ایک محرم شخص کو اس کی اونٹنی نے گرا دیا‘ سو اس کو ہلاک کر دیا‘ پھر اس کو رسول اللہ ﷺ کے پاس لایا گیا‘ آپ نے فرمایا: اس کو غسل دو اور اس کو کفن پہناؤ اور اس کا سر نہ ڈھانپو اور نہ اس کے قریب خوشبو لاؤ‘ یہ قیامت کے دن لبیک لبیک کہتا ہوا اٹھے گا۔