امام بخاری روایت کرتے ہیں: ہمیں سعید بن یحییٰ بن سعید نے حدیث بیان کی‘ انہوں نے کہا: ہمیں میرے والد نے حدیث بیان کی‘ انہوں نے کہا: ہمیں ابن جریج نے حدیث بیان کی‘ انہوں نے کہا: مجھے الزہری نے حدیث بیان کی از عیسیٰ بن طلحہ از عبداللہ بن عمرو بن العاص رضی اللہ عنہما‘ انہوں نے بیان کیا

کہ وہ نبی صلی اللہ علیہ وآلہ وسلم کے پاس حاضر تھے جب آپ قربانی کے دن خطبہ دے رہے تھے‘ ایک شخص آپ کی طرف کھڑا ہوا اور اس نے کہا: میں یہ سمجھا تھا کہ یہ کام اس سے پہلے کرنا چاہیے‘ پھر دوسرا کھڑا ہوا اور اس نے کہا: میں یہ سمجھا تھا کہ فلاں کام اس سے پہلے کرنا چاہیے‘ میں نے نحر کرنے سے پہلے سر منڈا لیا‘ میں نے کنکریاں مارنے سے پہلے نحر کر لیا اور اس کے مثل کام‘ تو نبی صلی اللہ علیہ وآلہ وسلم نے ان تمام کاموں کے متعلق فرمایا: اب کر لو‘ کوئی حرج نہیں ہے‘ اس دن جس کام کو بھی مقدم یا مؤخر کرنے کے متعلق پوچھا گیا تو آپ نے فرمایا: اب کر لو کوئی حرج نہیں ہے۔