امام بخاری روایت کرتے ہیں: ہمیں یحییٰ بن بکیر نے حدیث بیان کی‘ انہوں نے کہا: ہمیں لیث نے حدیث بیان کی از جعفر بن ربیعہ از الاعرج‘ انہوں نے کہا: مجھے ابوسلمہ بن عبدالرحمان نے حدیث بیان کی کہ حضرت عائشہ رضی اللہ عنہا نے بیان کیا کہ

ہم نے نبی صلی اللہ علیہ وآلہ وسلم کے ساتھ حج کیا‘ پس ہم نے قربانی کے دن طواف زیارت کر لیا‘ پھر حضرت صفیہ رضی اللہ عنہا کو حیض آ گیا‘ سو نبی صلی اللہ علیہ وآلہ وسلم نے ان سے اس کام کا ارادہ کیا جس کام کا ارادہ مرد اپنی بیوی سے کرتا ہے‘ تو میں نے کہا: یارسول اللہ! وہ حائضہ ہیں‘ تو آپ نے فرمایا: کیا وہ ہم کو روانگی سے روک لیں گی‘ تو گھر والوں نے بتایا: یارسول اللہ! وہ طواف زیارت کر چکی ہیں‘ تو آپ نے فرمایا: روانہ ہو‘

اور القاسم‘ عروہ اور اسود اور حضرت عائشہ رضی اللہ عنہا سے یہ ذکر کیا جاتا ہے کہ حضرت صفیہ رضی اللہ عنہا نے قربانی کے دن طواف زیارت کر لیا تھا۔