امام بخاری روایت کرتے ہیں: ہمیں عبداللہ بن مسلمہ نے حدیث بیان کی، انہوں نے کہا: ہمیں امام مالک نے حدیث بیان کی از محمد بن عبدالرحمان بن نوفل از عروہ از زینب ابنۃ ام سلمہ از حضرت ام سلمہ رضی اللہ عنہا، انہوں نے بیان کیا کہ

میں نے رسول اللہ صلی اللہ علیہ وسلم سے یہ شکایت کی کہ میں بیمار ہوں، تو آپ نے فرمایا: تم لوگوں کے پیچھے سے طواف کرو، اس حال میں کہ تم سوار ہو، پس میں نے طواف کیا اور رسول اللہ صلی اللہ علیہ وسلم بیت اللہ کے پہلو میں یہ آیات پڑھ رہے تھے: ”وَالطُّورِ ◯ وَكِتَابٍ مَّسْطُورٍ ◯“ (الطور: ۲۔۱) اور (پہاڑ) طور کی قسم ◯ اور اس کتاب کی جو لکھی ہوئی ہے ◯